Wednesday, 16 April 2014

MWANAMUZIKI LINA ADHIHIRISHA MAPAJA NA MIGUU YAKE NI MOTO WA KUOTEA MBALI


Week Kadhaa zilizopita Mwanadada Linah Alikaririwa akisema kwamba anapenda Paja na Miguu yake kwani ni mizuri sana...Kuna walio mbeza na kuponda...Sasa katoa picha mpya zikionesha vizuri miguu yake ....Amazing Legs Eeehh?

DIAMOND ATOBOA SIRI KUWA ANA MTOTO ALIPOKUWA ANAHOJIWA NA MTANDAO WA NIGERIA

Nani aliyekuwa anafahamu kuwa Diamond Platnumz ni baba? Well, hatujawahi kumsikia popote akisema kuwa ana mtoto lakini staa huyo wa ‘My Number One’ alikuwa mkarimu wa kutosha kuweza kuelezea ‘furaha ya kuwa mzazi’ kwenye mahojiano aliyofanya na mtandao maarufu wa Nigeria uitwao Lobatan Africa baada ya kwenda huko wiki kadhaa zilizopita alikoshirikishwa pia na mastaa wa huko wakiwemo Waje na Dr Sid.


Kwenye mahojiano hayo, mtandao huo ulimuuliza: What have you learnt about fatherhood, now that you’re a father (umejifunza nini kuhusu ubaba kwakuwa sasa wewe ni baba)

Diamond alijibu: Fatherhood is a great experience, very humbling. You learn a lot about your children and the kids and the kinds of things they love. For example, my baby loves this cartoon that has a catchy song, I think Ben10. Hahaha!! (Kuwa baba ni kitu kikubwa, kinavutia sana. Unajifunza mengi kuhusu watoto wako na vitu wanavyopenda. Kwa mfano ‘mwanangu’ anapenda katuni hii yenye wimbo unaogusa, nadhani Ben 10!

Kumbe Diamond ana mtoto tena mkubwa anayeweza kuangalia na kuelewa katuni? Swali ni kwanini hajawahi kusikika akisema ana mtoto? Hata hivyo September mwaka jana, moja ya magazeti ya udaku ya kampuni ya Global Publisher, yaliandika habari ya kuibuka kwa msichana aitwaye Sasha Juma aliyedai kuwa amezaa na Diamond.

Sasha akiwa na mtoto anayedai ni wa Diamond
Msichana huyo alidai kuwa likutana na Diamond Mlimani City jijini Dar es Salaam na akampenda kwakuwa anafanana na Wema Sepetu (kipindi hicho walikuwa wameachana. Gazeti hili lilisema wawili hao hawakuchukua muda na wakaanza uhusiano uliowafanya wakutane kimwili na kupelekea msichana huyo kushika ujauzito.

Lilidai asha alimpa taarifa staa huyo ambaye alimuomba asitoe mimba kwakuwa atamsomesha msichana huyo aliyefukuzwa shuleni na pia kuahidi kumlea mtoto huyo.

“Ni kweli nimezaa na Diamond. Mtoto ana miezi mitatu sasa. Unajua yeye ndiye alinikatisha masomo na kusema kuwa ataniendeleza na atamlea mtoto hivyo alivyokaa kimya sikuona tena sababu ya kumfuatilia kwa vile kwetu napata kila kitu,” gazeti hilo lilimnukuu Sasha.

Lilisema lilipomtafuta Diamond kwa simu ambaye kwa sasa yupo nchini Kenya, alijibu: Hahahaaa…mbona hiyo ishu ni kubwa sana kwangu! Ukweli huyo mwanamke simjui kabisa. Lete stori nyingine achana na hiyo.”

So kama Diamond ana mtoto, huenda aliamua kumkubali mtoto huyu na pengine ndiye mtoto huyu anayependa kuangalia katuni ya Ben 10!
Credits:Bongo5

HABARI MBAYA KWA WALA NGURUWE A.K.A KITIMOTO HII HAPA

Chuo Kikuu cha Sokoine cha Kilimo (SUA) kimehadharisha walaji wa nyama ya nguruwe nchini, kuwa wanakabiliwa na hatari ya kupata kifafa.

Utafiti wa kisayansi uliofanywa na SUA, umebaini kuwa baadhi ya nguruwe wana minyoo aina ya tegu ambao nyama yao ikiliwa bila kuiva vizuri, mlaji atapata minyoo hiyo ambayo huingia kichwani na kusababisha kifafa.

Akizungumza na mwandishi hivi karibuni, Mhadhiri na Mtafiti wa Idara ya Sayansi ya Wanyama na Uzalishaji ya SUA, Profesa Faustine Lekule, alisema sampuli za utafiti huo kutoka Mbeya, zimebaini nguruwe wengi wakiwamo wanaosafirishwa katika miji mikubwa wameathirika na minyoo hiyo.

Kwa mujibu wa Profesa Lekule, wataalamu wa SUA wanaosimamia Mradi wa Utafiti wa Kuboresha Ufugaji wa nguruwe kwa mkoa wa Mbeya ili kuinua pato la kaya, unaofadhiliwa na Shirika la Kimataifa la Maendeleo la Denmark (DANIDA), walibaini hatari hiyo baada ya kuchukua sampuli ya nyama ya nguruwe kwa ajili ya vipimo.

“Majibu ya sampuli ambazo wataalamu wamezichukua kutoka kwa nguruwe wa wafugaji kwenye baadhi ya vijiji, wamebainika kukumbwa na hatari hii. 

“Lazima jitihada za makusudi zichukuliwe katika kutafuta ufumbuzi wa pamoja wa tatizo hili kati ya watafiti na Serikali,” alisema Profesa Lekule.

Alisema maambukizi ya tegu au minyoo ya nguruwe yanatokana na tabia za baadhi ya wafugaji kutozingatia ufugaji bora kwa kuwaacha kujitafutia chakula na maji mitaani na kula kinyesi cha binadamu.

Kwa mujibu wa Profesa Lekule, baadhi ya wafugaji wamekuwa wakijisaidia vichakani na kuwaacha nguruwe kutafuta malisho katika vichaka na kula kinyesi chao, hali inayochangia ongezeko la maambukizi ya minyoo ya tegu hao.

Baada ya kula kinyesi minyoo humwingia mwilini na kumdhoofisha na baadaye binadamu anapokula nyama ambayo haijaiva vizuri, minyoo hiyo humwingia na kusababisha kifafa baada ya kuingia kichwani.

Alisema athari za kuenea kwa maambuziki hayo inaweza kutokea katika miji mikubwa ikiwamo Dar es Salaam kwa kuwa nguruwe wa Mbeya husafirishwa na kuuzwa maeneo hayo.

“Hatua hii inaweza kusababisha kusambaa kwa ugonjwa huu, hivyo ushirikiano kati ya wafugaji, wafanyabiashara, Serikali na wataalamu wa afya katika kufikia hatua ya kumaliza changamoto hii unahitajika,” alibainisha Profesa Lekule

Tuesday, 15 April 2014

MUONEKANO MPYA WA MWANAMUZIKI K-LYIN AMBAE KWA SASA NI MKE WA MENGI


Mwanadada K-lyin Akiwa katika muonekano mpya...Wazungu wanasema Ame Go Blond Sijui ...Mweee...Amependeza au La?

WOSIA WA GURUMO WAZUA UTATA

Stori: Mayasa Mariwata na Andrew Carlos
MKONGWE wa muziki wa dansi nchini, Muhidin Mohamed Mwalimu Gurumo ‘Maalim Gurumo’ amezikwa jana kwenye makaburi ya kijijini kwake, Masaki, Kisarawe mkoani Pwani, lakini wosia aliouacha kuhusu mazishi yake umezua utata, Risasi Mchanganyiko limedokezwa na wengi.

Kwa mujibu wa chanzo, wakati wa uhai wake Maalim Gurumo ambaye alikuwa mwanamuziki wa bendi mbalimbali nchini, ikiwemo Ottu na baadaye Msondo Music Band, alisema atakapotangulia mbele ya haki asizikwe siku inayofuata.

LIMWAMBIA NANI?
Kwa mujibu wa chanzo, Gurumo alimpa wosia huo mjomba’ake aitwaye Selemani Mikole ambaye ndiye aliyemlea alipofika jijini Dar es Salaam baada ya kufiwa na baba yake mzazi, mzee Mohamed Mwalimu Gurumo.

“Gurumo alikataa kuzikwa siku inayofuata. Mjomba wake ndiye aliyetoa siri hiyo mara baada ya Gurumo kufariki dunia.

“Yaani alitaka hivi, mfano amefariki dunia leo (jana Jumanne) basi mazishi yake yawe baada ya siku mbili, yaani keshokutwa (Alhamisi).

“Mjomba’ake alimuuliza sababu ya uamuzi huo, akasema yeye ni mtu mwenye mashabiki wengi, angeomba pawe na muda ili wengi waweze kuhudhuria mazishi yake,” kilisema chanzo hicho.

WAISLAM WATOFAUTIANA
Jumatatu iliyopita kwenye msiba wa nguli huyo nyumbani kwake, Mabibo-Makuburi jijini Dar es Salaam baadhi ya waombolezaji wenye imani ya Kiislam walisikika wakipingana na wosia huo wa marehemu.

Baadhi walisema si sawa Muislam kuzikwa baada ya saa ishirini na nne huku wengine wakisema wosia wa marehemu ndiyo maelekezo makuu ya mazishi.

“Hapa hatuzungumzii sheria za dini, tunazungumzia kutii wosia wa marehemu. Siku zote wosia wa marehemu unazingatiwa kwanza,” alisikika akisema mwombolezaji mmoja baada ya kuambiwa mazishi ya marehemu huyo ni Jumanne na si Jumatatu kama alivyoamini.

UISLAM UNATAKAJE?
Risasi Mchanganyiko lilipata nafasi ya kuzungumza na baadhi ya viongozi wa Kiislam wa jijini Dar es Salaam ambapo kila mmoja alitoa mwongozo wake anaoujua kuhusu imani ya Kiislam inavyosema kuhusu mazishi ya muumini wake.

“Kwenye Uislam kuna ngazi tatu tu baada ya kifo. Kuoshwa, kuswaliwa na kuzikwa. Kama mtu anakata roho asubuhi na madaktari wakathibitisha, mwili wake hautakiwi kulala,” alisema shehe mmoja huku akiomba kusitiriwa jina.

MAALIM HASSAN NAYE ALONGA
Risasi Mchanganyiko pia lilizungumza na mtabiri maarufu nchini kwa sasa, Hassan Hussein Yahya ‘Maalim Hassan’ ambaye kwa upande wake aliweka wazi mambo haya:

“Kusema kweli Uislam mwili haulali. Labda kama mtu amekutwa na mauti usiku, lakini siku inayofuata lazima akasitiriwe (akazikwe).

“Endapo kuna dharura sana, basi zisipite saa ishirini na nne tangu kifo. Lakini hilo la Gurumo sidhani kama ni tatizo, unajua imani ipo, lakini pia tunaheshimu mila na desturi zetu Waafrika.”


SHEHE MKUU MKOA WA DAR ES SAALAM
Gazeti hili pia lilizungumza na Shehe Mkuu wa Mkoa wa Dar es Salaam, Alhadi Musa Salum ambapo alisema:

“Katika Uislam hakuna sheria kwamba  mtu akifa lazima azikwa siku hiyohiyo, wala hakuna siku zilizotajwa kuwa ndizo za marehemu kuwepo kabla ya mazishi. Ila kumzika marehemu mapema ni suna.
“Mbona Mtume Mohamed (S.A.W) alikufa Jumatatu akazikwa Jumatano?”

KUMBE SI DHAMBI
Pia Risasi Mchanganyiko lilizungumza na baadhi ya Waislam wanye elimu ya imani hiyo kwa undani ambapo wengi walisema mwili wa marehemu kuzikwa ndani ya saa 24 ni sheria ya kawaida lakini si dhambi kama ikitokea ukapitiliza saa hizo.


ALIJITABIRIA KIFO?
Akizungumza na gazeti hili juzi kwa majonzi makubwa, mtoto wa marehemu aitwaye Mariam Gurumo alisema baba yake ni kama alijitabiria kifo kwani Aprili 9, mwaka huu (siku nne kabla ya kifo) walikwenda Kisarawe kwa ajili ya kusalimia ndugu, jamaa na marafiki na kurudi Dar.

“Hiyo safari ilikuwa niende mimi. Nikaenda nyumbani kumuaga, lakini akasema lazima twende familia yote. Basi tukajaza mafuta kwenye lile gari alilozawadiwa na Diamond (Toyota FunCargo) tukaenda.

“Tulipofika, baba akazua tukio jingine, akasema lazima tutembelee makaburi ya familia kwa ajili ya kuyasafisha na kupiga dua kuwaombea marehemu waliolala pale jambo ambalo kwetu sisi watoto tulilishangaa,” alisema mtoto huyo.


Akaendelea: “Lakini tulipojiandaa kwenda makaburini, mvua kubwa ilinyesha. Kwa hiyo tukamwacha baba tukaenda sisi kufanya shughuli hiyo.

TATIZO LAANZA HADI KIFO
Mtoto huyo aliendelea kuweka kwamba, wakati wanarudi kutokana na milima na mabonde ghafla hali ya mzee Gurumo ikawa mbaya. Walipofika Msanga akaomba kwenda kujisaidia. Mara mvua kubwa ikanyesha tena naye akanyeshewa na kulowa chapachapa.

Alisema kuwa, hali hiyo ilimsababishia mzee Gurumo kuzidi kudhoofu zaidi kutokana na tatizo la mapafu kubana na kushindwa kupumua sawasawa.

“Tulifika Dar, hali ikazidi kuwa mbaya ndipo ikatulazimu kumkimbiza Hospitali ya Taifa Muhimbili kwa ajili ya matibabu ambapo Jumapili akafariki dunia majira ya saa tisa alasiri,” alisema mtoto huyo.
GPL

UPDATES:MAJAMBAZI WAIBA BENKI YA BARCLAYS MCHANA KWEUPE

Watu watatu wamepora kiasi kikubwa cha fedha katika Benki ya Barclays, Tawi la Kinondoni, Dar es Salaam katika tukio linaloweza kufananishwa na sinema.

Kwa mujibu wa watu walioshuhudia tukio hilo lililotokea jana saa tatu asubuhi, watu hao wakiwa kwenye pikipiki moja walifika katika benki hiyo na kuiegesha nje ya uzio, kisha wawili kati yao wakiwa na silaha waliingia ndani.

Muda mfupi baadaye, walitoka nje wakiwa na mfuko mkubwa wenye fedha na lakini walipokuwa wakitaka kukimbia, mfuko huo ulianguka. Hata hivyo, waliuokota na kutokomea kusikojulikana.

Mmoja wa mashuhuda, Ali Lunde alisema: “Walitoka bila wasiwasi tena hawakupiga risasi wala kumtisha mtu yeyote. Walikuwa na mfuko mkubwa wa ‘kisalfeti’. Walipopanda pikipiki jamaa aliyebeba mfuko aliukumbatia kama amepakata mtoto.”

Lunde alisema wakati watu hao wakiondoka na pikipiki, baadhi ya wafanyakazi wa benki walitoka nje huku wakipiga kelele kuwa wamevamiwa na majambazi.

“Walitoka nje wakipiga kelele, ndipo kila mtu akajua walikuwa ni majambazi, kama watu wangekuwa na silaha wangeweza kuwadhibiti maana wote tuliokuwa hapa tumewaona wanavyoondoka,” alisema.

Dereva teksi anayeegesha gari lake karibu na benki hiyo, Herode Munyi alisema aliwashuhudia majambazi hao wakiingia kwenye benki wakiwa na silaha mkononi, jambo lililomfanya kuwapa taarifa watu wengine huku akitafuta namba za polisi.

“Baadaye nilifanikiwa kuwaona polisi hawa wanaotembea na pikipiki nikawaambia lakini kama vile walipitiliza, hawakwenda moja kwa moja benki,” alisema Munyi.

Hata hivyo, mashuhuda wa tukio hilo walionekana kushangazwa na mazingira ya wizi huo, kwani walisema mlinzi wa benki hiyo hakuwa na bunduki wala kirungu chochote wakati majambazi walipovamia.

Mmoja wa mashuhuda ambaye hakutaka kutaja jina lake, alisema wakati majambazi wanavamia benki hiyo, hakukuwa na watu wengi waliokuwamo ndani, jambo lililowapa urahisi wa kutekeleza dhamira yao.

Akizungumzia tukio hilo, Kamanda wa Polisi Mkoa wa Kinondoni, Camillus Wambura alisema tawi hilo la benki halina polisi wanaolinda baada ya benki hiyo kuwaondoa hofu kwa madai kuwa halina biashara kubwa.

“Mwaka 2012/2013 waliondoa polisi katika benki ambazo hazina biashara kubwa ikiwamo hii, lakini kuna haja ya kurudisha ulinzi wa askari polisi,” alisema Wambura

Hata hivyo, Meneja Uhusiano wa Barclays, Neema Singo alikana madai hayo akisema benki yake ina mkataba na jeshi hilo pamoja na ile ya Ultimate Security na kusema wameshangaa kwamba polisi hawakuwapo wakati tukio hilo lilipotokea.

“Tuna mkataba na polisi wa kulinda matawi yote. Tunachunguza nini kimetokea,” alisema Singo na kuongeza kwamba kutokana na tukio hilo, tawi hili litafungwa wakati uchunguzi wa polisi ukiendelea.

Kamanda Wambura alisema kiwango cha fedha kilichoibwa bado hakijafahamika na kwamba hesabu zilikuwa zikiendelea kufanywa, huku juhudi za kuwatafuta wezi hao zikiendea.

“Hakuna aliyejeruhiwa ingawa mfanyakazi mmoja amepelekwa hospitali kutokana na mshtuko,” alisema Wambura.

Mwandishi aliwashuhudia baadhi ya wafanyakazi wa benki hiyo wakiwa wamelala kwenye gari la wagonjwa wakipatiwa msaada baada ya kupata mshtuko. Pia polisi walionekana wakizunguka eneo hilo huku wakiwahoji baadhi ya wafanyakazi.

RAY: SINA MPANGO WA KUMUOA CHUCHU

Stori: Shakoor Jongo na Musa Mateja
Makubwa! Kaka mkubwa kunako gemu la filamu za Kibongo, Vincent Kigosi ‘Ray The Greatest’ amefunguka kuwa hana mpango wa kumuoa mwanadada Chuchu Hans kama inavyodaiwa na baadhi ya watu.

Akijibu swali aliloulizwa na wanahabari wetu hivi karibuni, kuhusiana na kudaiwa kuwa baada ya mpenzi wake huyo kupewa talaka ana mpango wa kufunga naye ndoa kama ilivyokuwa inadaiwa ambapo alikataa katakata suala la yeye kufunga ndoa na Chuchu.

“Sina mpango wa kuoa ndugu yangu, hayo ni maneno ya watu ambayo yapo tu mitaani ila kwa sasa niko njiani naenda gym baadaye nitakutafuta tuongee.” alisema Ray.

Hii itakuwa ni mara ya kwanza kwa muigizaji huyo kufunguka kuhusiana na suala la ndoa na swali linakuja, je, Chuchu anafahamu kuwa anachezewa tu? Jibu analo mwenyewe moyoni mwake. 
GPL